Malo ia kuo mahino 'oku mavahe atu 'a Ana Featured
2 Fepueli, 2021. Ko e ongoongo lelei ia ki he fonua 'a e mahino mai 'oku 'i ai 'a e liliu lahi 'a e tu'unga 'o e 'ea pea 'oku mahino mei he ngaahi fakamatala'ea fakamuimui taha 'oku tau hao mei he halanga 'o e Saikolone Fakatalopiki ko Ana.
Ko e Saikolone koeni foki na'e fakafuofua pe 'oku 'i he malohi ko e Category 1 ki he 2 'i he'ene ofi mai ki Tonga ni ka ko 'eni kuo mahino mai 'oku mavahe mei he fonua pea holo foki mo hono malohi.
Ko e taimi tatau foki 'oku te'eki ke tau mavahe mei he faha'ita'u Saikolone pea koe talu 'a e 'uho'uha mai mei he uike kuo 'osi 'a ia kapau na'e hoko mai ha Saikolone 'e tu'u lavea ngofua leva 'a e ngoue mo e 'akau ke holo mo maumau makatu'unga 'i he fuoloa mai 'a e 'uho'uha pea kuo molufoki mo e kelekele.
'Oku fakamalo'ia foki 'e he kakai mo e fonua 'a e ngaue 'a e Va'a Fakamatala 'Ea 'i hono 'omai 'a e ngaahi ongoongo mo e fakamatala 'oku tonu pea malava leva mei ai 'a e mateuteu 'a e fonua.
