Tali 'a e setifiketi Foomu 7 Fakafonua 'a Tonga ke hū ki he Ngaahi 'Univēsiti Nu'usila
8 'Aokosi, 2023. Kuo ma'u 'a e fakahā faka'ofisiale mei he Potungāue Ako 'a e Pule'anga kuo tali 'a kinautolu kuo paasi pea ma'u setifiketi Foomu 7 Fakafonua 'a Tonga (Tongan National Form Seven Certificate [TNFSC]) ke hū ki he Ngaahi 'Univēsiti 'i Nu'usila.
Ko e ongoongo fakafiefia 'eni ki he fonua mo e fanau ako he 'oku mahino mai ko hono lava'i pe 'a e sivi ki he setifikeiti Foomu 7 Fakafonua 'a Tonga (pea 'oku malava ai pe ke tali ke hūki ha taha 'o e Ngaahi 'Univēsiti 'i Nu'usila.
Ko e kaveinga foki 'eni na'e fai hono fehu'ia 'e he matu'a tauhi fanau mo e fonua ka ko'eni kuo mahino mai 'a e tu'unga 'oku 'i ai pea 'oku ne toe 'oange 'a e ivi lahi ki he fanau ako 'a e fonua mo e faingamalie ke hoko atu ki he ngaahi 'Univēsiti 'i Nu'usila.
