'E si'isi'i ange afā tene 'ahia 'a Tonga 'i he faha'i ta'u afā 2020/2021 ^Featured

‘I he fakamatala ‘a e Talēkita ‘o e Va’a Fakamatala ‘Ea ‘a Tonga ‘Ofa Fa’anunu fekau’aki mo e faha’i ta’u afā 2020-2021, 'oku fakafuofua ki he ngaahi saikolone fakatalopiki ‘e malava ke hoko ke ne uesia e ‘otu Tonga ‘oku ‘i lalo ‘i he ‘avalisi angamaheni.

'Oku fakafuofua ‘e ‘i he afā ‘e 1 kihe 2 ‘e ala hoko he fa’ahi ta’u afā 2020-21.

Na'e pehē foki 'e Fa'anunu ‘oku lolotonga fononga ‘a Tonga ‘i he faha’i ta’u La Nina.

“Ko e faha’i ta’u La Nina ‘e ki’i lahi ange ai ‘a e ‘uho’uhá pea ‘oku ‘i ai ‘a e faingamālie ke hoko ‘a e fanga ki’i tafea ‘i he ngaahi feitu’u ‘oku ma’ulalo ange.

Ko e lahi taha kuo a’u kiai he kuohili ‘i ha fa’ahi ta’u afā pehe ni ko e afā ‘e 3.

‘Oku ‘i he 60% ‘a e malava ke hoko ha saikolone  fakatalopiki malohi (Kalasi 3, 4 pe 5) ‘e 1 ‘i he fa’ahi ta’u afā 2020/21.

'I he taimi tatau 'oku matu'aki mahu'inga 'a e mateuteu he taimi kotoa pe.