Maau Sikuati toko 24 'a e Mate Ma'a Tonga ki he Ipu 'a Mamani
'Eiki Minisita Sipoti Lord Vaea, 'Eiki Minisita Fefakatau'aki Dr. Viliami Uasike Latu mo e CEO MIA Dr. Fotu Fisi'iahi 'i hono talaki 'a e Sikuati 'a e Mate Ma'a Tonga
6 'Okatopa 2022. Na'e lava hono ui atu he uike ni 'a e sikuati toko 24 'a e Timi Mate Ma'a Tonga ki he 'amanaki fe'auhi ki he Ipu 'a Mamani 'i he mala'e 'Akapulu Liiki 'a ia 'oku 'amanaki fakahoko ki Pilitania 'i he mahina ni.
Na'e fakahoko foki hono ui 'a e sikauti 'a e timi Mate Ma'a Tonga 'e he 'Eiki Minisita 'o e Ngaahi Ngaue Lalahi Lord Vaea 'a ia 'oku toe Sea 'i he Komiti Fakataimi 'oku nau fakalele 'a e 'Akapulu Liiki 'a Tonga pea na'e fakahoko 'eni 'i he 'aho Monite ko hono 3 'Okatopa 'a ia koe Monite ia 'o e uike ni.
Na'e toe me'a foki ai mo e 'Eiki Minisita fefakatau'aki mo e Langa Fakalakalaka Faka'ikonomika Dr. Viliami Uasike Latu ka koe taha 'o e kau memipa 'i he Komiti Fakataimi 'oku nau fakalele 'a e Liiki.
Ko e tu'u leva 'eni 'a e toko 24 'oku nau kau ki he sikuati 'a e Mate Ma'a Tonga:
1. Talatau Amone (St George Illawarra Dragons)
2. David Fifita (Gold Coast Titans)
3. Addin Fonua Blake (Warriors)
4. Moeaki Fotuaika (Gold Coast Titans)
5. Siliva Havili (South Sydney Rabbitohs)
6. William Hopoate (St Helens Saints)
7. Konrad Hurrell (St Helens Saints)
8. Isaiya Katoa (Penrith Panthers)
9. Sione Katoa (Cronulla Sharks)
10. Felise Kaufusi (Melbourne Storm)
11. Keaon Koloamatangi (South Sydney Rabbitohs),
12. Toluta'u Koula (Manly Sea Eagles)
13. Tuimoala Lolohea (Huddersfield Giants)
14. Soni Luke (Penrith Panthers)
15. Ben Murdoch-Masila (Warriors)
16. Tesi Niu (Brisbane Broncos)
17. Haumole Olakau'atu (Manly Sea Eagles)
18. Will Penisini (Parramatta Eels)
19. Moses Suli (St George Illawarra Dragons)
20. Siosifa Talakai (Cronulla Sharks)
21. Tevita Tatola (South Sydney Rabbitohs)
22. Siosiua Taukeiaho (Sydney Roosters)
23. Jason Taumalolo (North Queensland Cowboys)
24. Daniel Tupou (Sydney Roosters).
'Oku kapiteni pe 'a Jason Taumalolo mo Siosiua Taukei'aho he timi pea faiako pe 'a Christian Woolf pea kuo 'osi tu'uta 'a e timi ki Pilitania pea na'e talitali lelei kinautolu 'e he kainga Tonga 'oku nofo 'i Pilitania.
Na'e fakahoko foki mo hono talitali makehe 'e he Talafekau Lahi 'a Tonga ki Pilitania 'Eiki Titilupe Fanetupou Vava'u Tu'ivakano pea 'oku mahino 'a e mafana 'a e kainga Tonga he tapa kotoa 'o e kolope mo e 'amanaki lelei ki he Timi Mate Ma'a Tonga.
