Menu
cache/resized/cbe3dffb4ae8ac1a19932add9ae7ffed.jpg
PALOVEAPE 'O E UIKE 'OUA 'E TANGI KE TATAU NA'A ...
cache/resized/fcc387c5ab15cde71052b8c82f3e405f.jpg
Lotus Motors Me'alele fo'ou mo sekeniheni ...
cache/resized/63614fa437cb694b8770470f544a87ea.jpg
“TOURS & TRAVEL AT IT’S BEST IS ...
cache/resized/de22811ba69e150b74276adfe9cd60f1.jpg
S&F Brothers (Car Dealer & Accounting ...
cache/resized/c5486089fb6fe141100fa93741aee80f.jpg
Vaiola Shop & Cafe  
cache/resized/952d37c5b239f200e4b0a944bfa8cde0.jpg
RED Rapid Engineering Diagnostic Specialize in: ...
Latest News

Tukuange ‘e he Fakamaau’anga ‘Amelika ‘a Dean Jay Fletcher neongo ‘ene fakapoongi hono mali ‘i Tonga ni Featured

Dean Jay Fletcher 'oku tokoto pea 'i he tafa'aki mata'u koe 'Ateni Seniale Le'ole'o 'a Tonga 'Aminiasi Kefu Dean Jay Fletcher 'oku tokoto pea 'i he tafa'aki mata'u koe 'Ateni Seniale Le'ole'o 'a Tonga 'Aminiasi Kefu

5 Novema, 2017. Kuo tukuange ‘e he Fakamaau’anga ‘Amelika ‘i he Siteiti ko Hawaii ‘a e matapule ‘Amelika koia ko Dean Jay Fletcher neongo hono tukuaki’i ia ki he’ene tamate’i hono mali ‘i Vava’u ‘i he ta’u 2016.

Na’e hola foki ‘a Fletcher mei hano tauhi fakalao ia ‘i he malumalu ‘o e Potungaue Polisi ‘i Vava’u ‘one folau ai ‘i ha vaka ‘iote ki Ha’amoa ‘Amelika pea ‘ave foki mei ai ki Hawaii.

‘Oku ‘i ai foki ‘a e talite ‘a Tonga ni mo e Pule’anga ‘Amelika fekau’aki mo hano fakafoki ‘oha tokotaha faihia (extradition treaty) ka ‘oku ta’efiemalie lahi ‘a e Pule’anga Tonga ki hono tukuange ko’eni ‘o Fletcher.

‘Oku ‘i ai ‘a e hoha’a ‘a e Pule’anga ‘Amelika na’a tautea mate pea tautau ‘a Fletcher ‘i Tonga ni.

‘Oku faka’ikai’i foki ‘eni ‘e he ‘Ateni Seniale Le’ole’o ‘a Tonga ‘Aminiasi Kefu pea na’a ne fakamahino ‘oku ‘ikai toe fakahoko ‘a e tautea tautau ‘i Tonga ni talu mei he ta’u 1981.

Na’e hoha’a foki ‘a Kefu ki hono tukuange koia ‘o Fletcher ‘e he Fakamaau’anga pea na’a ne toe fakamahino foki ‘oku lahi ‘a e ngaahi Siteiti ‘i ‘Amelika ‘oku kei mo’ui ai ‘a e tautea mate.

‘Oku kei hokohoko atu pe ‘a e feinga ‘a e Pule’anga Tonga ke fakafoki mai ‘a Fletcher ke fakahoko hano fakamaau’i ‘o fakatatau ki he lao mo e hia na’a ne fakahoko.

1 comment

  • Koloamatangi
    Koloamatangi Saturday, 11 November 2017 15:58 Comment Link

    Koe ha e lao a Tonga he taimi ni ke fakahoko hono tautea o faka tatau kiai. Kapau ko hono mali mei Canada, koe fe ae famili hono mali koeha enau faka kaukau. 'Oku totonu ke hanga hee famili hono mali o ai haa nau loea ke file i Canada i he justice department. Ko eku kii fakakaukau pe, koe uhi ko Fletcher ooku ikai ke citizenship i Tongana. Ai a Tongana ke ata hotau nima mei he case. Koe uhi ke oua naa tau fihia i ha lao faka puleanga. Koe fuu mea lahi, pea oua naa tau take ha faahing mea pehe. Ko Fletcher oku ou pehe oua te tau efihia i he faahinga mea pehe he koe muli ia. Ofa atu.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top