Ikuna 'e he Mate Ma'a Tonga 'a Papua New Guinea 24-18
19 'Okatopa 2022. Ko e ongoongo fakafiefia ia mo e kamata lelei ki he timi 'a e Mate Ma'a Tonga 'i he'enau ikuna 'a 'enau fuofua va'inga 'i he fe'auhi ki he Ipu 'a Mamani he Mala'e 'Akapulu Liiki 'a ia 'oku lolotonga fakahoko 'i 'Ingilani 'i Pilitania.
/cloudfront-ap-southeast-2.images.arcpublishing.com/nzme/SQGEH5ZBUVQD2N7BSPMYN3QSMA.jpg)
'Isaia Katoa 'i he'ene taiva'i 'a e laine tata'o
Ko e va'inga 'eni na'e fakahoko 'i he efiafi 'o e 'aho ni 'i he taimi 'a Pilitania ka koe taimi pongipongi ia 'a Tonga ni pea na'e ikuna ai 'e he Mate Ma'a Tonga 'a e timi Kumuls 'a Papua New Guine 'aki 'a e kai koe 24 ki he 18.
Na'e fakahoko 'e he Mate Ma'a Tonga ha tata'o 'e 3 'i he tu'u 'uluaki ki he tata'o pe 'e 1 'a e Kumuls 'a ia na'e malolo 'a e va'inga 'oku taki 'a e Mate Ma'a Tonga koe 18 ki he 6 'a e Kumuls.
Ko e ngaahi tata'o 'a Tonga 'i he tu'u 'uluaki na'e fakahoko ia 'e Will Penisini, 'Isaia Katoa mo Moeaki Fotu'aika kae fakahoko 'a e tata'o ma'a e Kumuls 'e Rhyse Martin.
Na'e toe malie ange 'a e va'inga 'a e Kumuls 'i he tu'u hono ua he na'a nau fakahoko 'a e tata'o 'e 2 ki he 1 pe 'a e Mate Ma'a Tonga pea na'e a'u ki he toe 'a e miniti 'e 10 'oku kei mahanga 'a e ongo timi tau'aki 18.
Na'e toki fakahoko 'e Keaon Koloamatangi ha tata'o fakaholomamata 'i loto he miniti 'e 3 faka'osi hili ia ha 'aka fakatotolo na'e fakahoko 'e he kapiteni Siosiua taukei'aho 'o ikuna ai 'e he Mate Ma'a Tonga 'a e tau ni 'aki 'a e kai ko e 24 ki he 18.
Ko e va'inga ko'eni na'e fakahoko ki he mala'e Saint Helens pea na'e laka he toko taha mano 'a e kau mamata 'i he va'ing ko'eni.
'Oku kau foki 'a Tonga ni ki he Gropup D 'a ia 'oku kau fakataha mo Papua New Guinea, Wales pehe foki ki Cook Islands.
