Ikuna 'e 'Ikale Tahi 'a e Australia A 27-21
15 Siulai, 2023. Na'e tatau move ha 'a e me'ite 'a Hou'eiki pea fiefia mo hakahaka 'a e kakai 'o e fonua 'i he va'inga fakaholomamata 'a e timi fakafonua 'a Tonga 'Ikale Tahi 'onau ikuna ai 'a e timi Australia A 'i he pa'ake Teufaiva.
Na'e me'a 'a e Tama Pilinisi Kalauni Tupou To'a 'Uluakala pehe ki he Ta'ahine Pilinisesi Kalauni Sinaitakala Tuku'aho mo e Fuifuilupe ke me'a tonu ki he va'inga faka- hisitōlia ni.
Ko e ikuna foki 'eni 'i he va'inga faka-hisitōlia ni ke fakamanatu 'aki 'a e ikuna 'e he 'Ikale Tahi 'a e timi Fakafonua 'a 'Aositelelia 'i he ta'u 1973.
Na'e fakafuofua ki he kakai laka hake he toko 10,000 na'a nau fakatefua ki he Pa'ake Teufaiva ke mataa 'a e va'inga fakaholomamata ni pea koe fiefia ka koha fiefia na'e ma'u 'e he kakai 'o e fonua hili 'a e ikuna ko'eni.
Ko e kamata lelei foki 'eni ki he teuteu atu 'a e timi 'Ikale Tahi ki he fe'auhi Ipu 'a Mamani 'a ia 'oku 'amanaki fakahoko ki Falanise 'i he faka'osinga 'o e ta'u 'a ia 'oku kau atu 'a e 'Ikale Tahi ki he Pool 'o e ngaahi timi hau 'o hange ko Ireland mo Saute 'Afilika.
Na'e lava mai foki 'a e kau va'inga 'iloa 'a e timi 'Ikale Tahi 'oku nau va'inga 'i muli 'o kau mai kiai 'a Charles Piutau, 'Isileli Folau pehe kia Malakai Fekitoa mo Vaea Fifita.
