Ikuna 'e he Toa Samoa 'a England 27-26
Ko e Fika 4 'a e Toa Samoa Stephen Crichton's na;a ne fakahoko 'a e tolopu 'o nau ikuna ai
13 Novema 2022. Kuo fakahisitolia 'i he efiafi 'o e 'aho ni he taimi 'a Pilitania pea koe hengihengi ia 'i [he taimi 'a e Saute Pasifiki 'a hono ikuna 'e he timi Liiki Fakafonua 'a Ha'amoa Toa Samoa 'a e timi 'a England.
Ko e semifainolo foki 'eni hono ua 'i he fe'auhi ki hono tau'i 'o e ipu 'a mamani 'i he mala'e 'akapulu liiki 'a ia 'oku lolotonga fakahoko ki England 'i he ta'u ni pea ikuna ai 'e he Toa Samoa 'a England 'aki e kai koe 27 ki he 26.
Ko e tau matu'aki malie 'eni pea tuha pe ia moha semi fainolo he na'e a'u ki he kakato 'a e taimi 'oku kei mahanga 'a e ongo timi koe tau'aki 26.
Na'e tukuaange leva 'a e taimi makehe 'a ia koe timi pe 'e 'uluaki ma'u ha'ane poini pea koe timi ia 'e ikuna pea na'e fakahoko ai 'e he timi 'a Ha'amoa 'i he miniti pe hono 4 'o e taimi makehe ha tolopu 'o nau ikuna ai 'a e va'inga ni koe 27 ki he 26.
'Oku 'amanaki leva ke fainolo 'a e Toa Samoa mo e timi Kangaroos 'a 'Aosutelelia 'i he 'aho Sapate uike kaha'u.
