‘Oku mahu’inga mālie pe foki ke huluhulu ki he kakai ‘o ha fonua mo tanaki atu pe ki he’enau ngaahi taukei mo e a’usia ‘o fakafou he founga kehekehe pe ‘a e ‘uhinga mo e natula ‘o e politikale. ‘Oku nga’unu atu hotau ki’i fonua si’isi’i mo masiva ni ki ha kuonga ‘oku tu’utelinga ‘a e kakai ‘o e fonua kenau fanongo ki he ngaahi ongoongo he mala’e ‘o e politikale kae tautautefito ki he ngaahi me’a ‘oku hoko he fonua ‘a ia ‘oku kaungatonu ki he’enau mo’ui. Ko e faka’ilonga lelei ‘eni ki ha fonua ‘a e muimui’i ‘e he kakai ‘a e ngaahi tu’utu’uni ‘a e Falealea mo e Pule’anga ka ‘i he taimi tatau ‘oku mahu’inga ke mahino lelei ‘a e ‘uhinga moe ngaahi ‘elemeniti tefito ‘o e politikale he koe tokolahi he fonua ‘oku lahilahi nofo ‘enau faka’uhinga’i ‘a e politikale ki he ngaahi me’a faka Falealea mo faka Pule’anga pea ‘oku ‘i ai pe ‘a ‘enau mo’oni ‘o fakatatau ki he’enau faka’uhinga he koe meimei mahino ia ‘a e tokolahi taha ‘o e kakai ‘o ‘ikai pe ‘i Tonga ni ka ko mamani lahi foki.

Kuo ma’u ‘e he Nepituno ‘a e tatau ‘o e tohi ‘a e ‘Eiki Minista Lao Sione Vuna Faka’otusia koe tali ki he tohi fehu’i ‘a ‘Eliesa Fifita ki he ‘Eiki Palemia ‘o kau ai foki hano tukuaki’i ‘o e ‘Eiki Minisita Lao ‘oku ‘i ai ‘a e fefine ‘oku ngaue ‘i he Fakamaau’anga ‘oku ‘i ai ‘ena fanau mo e Minisita Lao Sione Vuna Faka’otusia. Na'e 'ikai foki fakafepaki'i 'e he Minisita 'a e tukuaki'i 'oku ha he tohi 'a 'Eliesa ka na'a ne fakaha kuo fai e tukupa ke liukava e mo'ui.

Hokoatu/Continue

‘Oku hoko foki ‘i hotau ki’i fonua masiva ni ‘a e kamata ke kau mai ‘a e kakai ‘o e fonua ki he ngaahi talanga faka politikale pea ‘oku ho’ata mai mei ai ‘a e ta’au ‘o e fakalakalaka ‘o ‘ikai ngata ‘i he ako lelei ‘a e kakai, fakalakalaka faka sosiale, faka ‘ikonomika, ta’au malohi ‘o e tekinolosia mo e lahi ‘a e ngaahi uesia (influence) ‘i he’etau fehikitaki mo e hikifonua ki muli. ‘Oku ‘i ai foki ‘a e ngaahi me’a mahu’inga ke tau faka tokanga’i heni ‘a ia koe ‘ikai ke tatau ‘a e natula ‘o e politikale ‘i he fonua kotoa he ‘oku kehekehe pe ‘o fakatatau ki he fa’unga fakasosiale, faka tukufakaholo, mo faka ‘ikonomika ‘o ha fonua. ‘Oku ‘i ai hono lelei mo hono fakatu’utamaki ‘a e ho’ata mai ‘oku ‘i ai ‘a e tokolahi he fonua ‘oku nofo honau taimi mo’enau manako ‘i he talatalanoa ‘i he politikale pea mo faka’uhi’uhinga ki he ngaahi ngāue ‘oku fakahoko he tapa kehekehe he sosaieti kae tautautefito ki he ngaahi fakahoko fatongia ‘a e ma’u mafai.