Fakangata Konituleki CEO Takimamata ‘Emeline Tuita hili ha mahina pe ‘e 10 Featured
'Emeline Tuita koe CEO malolo 'a e Potungaue Takimamata
1 'Aokosi, 2018. Kuo ngata ‘a e faifatongia ‘a e CEO ‘a e Potungaue Takimamata ‘Emeline Tuita ‘i he ‘aho Monite 30 ‘o Siulai hili pe ha mahina ‘e 10 mo e uike pehe ki he ngaahi ‘aho ‘ene fakahoko fatongia koe CEO ‘a e Potungaue Takimamata ‘a Tonga.
Na’e hoko foki ‘a e ‘Emeline Tuita ki he lakanga ni ‘i he ‘aho 15 ‘o Sepitema 2017 pea ‘oku mahino foki na’e kamata ‘ene fakahoko fatongia ‘i ha piliote probation pe koe fakaangaanga ka e toki fakapapau’i ai pe ‘ene kontuleki pe ‘e hoko atu pe ‘ikaipea koe founga anga maheni pe 'eni.
‘Oku mahino pe foki ‘oku ‘i he mafai ‘o e Minisita ‘o e Potungaue Semisi Sika ke fakapapau’i (confirm) ha fuafatongia ‘i he lakanga CEO pea ke fokotu'ubatu ki he PSC hili ‘a e piliote fakaangaanga (probation) ‘o fakatatau ki he tu'utu'uni ngaue mo e lao.
‘Oku toutou tuku atu pe foki ‘i he mitia ‘a e fetokehekehe ‘aki ‘a e Minisita Semisi Sika mo e CEO ‘Emeline Tuita ‘i he ngaahi kaveinga fekau’aki mo hono fakalele 'o e Potungaue pea 'oku 'ikai ke puli 'i he tokolahi 'i he fonua 'e a'u ki ha 'aho pehe ni.
Na’e fakamalo’ia ‘e he Komisoni ‘a e Kau Ngaue Faka-Pule’anga (PSC) ‘a e fakahoko fatongia ‘a ‘Emeline Tuita ‘i ha’anau ongoongo tukuatu ‘i he ‘aho ni.
