“ 'Oku 'ikai fai ha ofo Nepituno ho'o founga kuo ongona he talamahe'a 'ene fakaako 'oku hoko ko e tuhulu 'o ma'u ai 'a e maama mo e mahino mo e nonga ka e 'ikai ko e fakapo'uli mo e ta'emahino mo e hoha'atu'u kuo ne kumoa mo 'akilotoa 'a e fonua. 'Oku toki mo'oni 'a e lea 'o e hiva, 'Oku tupu 'etau fa'a he, Ko e fehopokaki he siakale kehe. 'Oku 'asi lelei 'eni he founga 'a e palemia mo 'ene kapineti mo e pule'anga tokua 'a e kakai 'e he kakai ma'ae kakai 'a e 'ikai ke nau nonga mo fiemalie he fai honau fatongia ka nau to e kakapa atu fiematamu'a mo ta'efieauna mo afungi mo ta'enana ki he mafai 'o e tu'i 'oku tefito ai hono fatongia fakatu'i. 'Oku to e mo'oni heni 'a e lea 'o e poloveape ko ia, Ko e kakapa ki Kao ka e tuku a 'Ao 'o hoko ai 'a e felekeu ko 'eni he fonua. 'Oku to e fakamanatu mai heni 'a e fu'u Toa ko Tuku ki Langi mo e fu'u 'Ovava ko Tauhi Kiai 'ai a kuo 'osi fai tatu'otaha 'e Tupou 1 mo e kau Helo Vava'u Lahi 'i Pouono 'i Neiafu he'ene maa'imoa fisifisinmu'a mo kinokinofia he tuputpulangi he masanisani 'o e Tuku Fonua hono tuku 'a Tonga mo hono kakai mo hono kelekele mo hono taloni ki Langi ki he 'Otua Mafimafi mo Ma'oni'oni he Taukakapa Fau ke malu'i mai mei 'Olunga ke tu'uloa pea tuputupu'a. Kuo lava 'a e Tukufonua ki Langi 'a e maa'imoa 'a e Tu'i 'Uluaki mo e kau Helo 'o Vava'u Lahi ko e toe pe 'eni kitaua Tonga (mo Vava'u Lahi) he'eta tauhiva ki ai pea 'e hoko ia 'o mo'oni he'etau tui ki he 'Otua Mo'ui mo ngaue'i hono mo'oni ka e 'ikai ko e malie pe hono lea'aki ka e 'ikai fai ki ai 'o poto hono lau ka e vale hono fai 'o kehekehe leva ai 'a e ngutu mo e tuhu. 'Oku hange tofu pe 'eni ko e palemia mo e kapineti mo e ki'i pule'anga ko 'eni. ”