Nuku'alofa, 24 'Aokosi 2015. Kuo fakahoko ha tukupā ‘a e Palēmia ‘o ‘Initia Narendra Modi ‘i he faka’osinga ‘o e fakataha hono Pule’anga mo e kau Taki ‘o e ngaahi fonua ‘o e Pasifiki na’e fakahoko ki he Vahefonua Hihifo ‘o Rajasthan 'i 'Initia 'i he uike kuo maliu atu ke tokoni’i fakapa’anga mo faka faito’o ‘e hono fonua ‘a e ngaahi fonua ‘o e Pasifiki.

Nuku'alofa, 21 'Aokosi 2015. ‘Oku makehe pē foki e Vahefonuá ni mo hono ‘atākaí pea ‘oku lelei mo vaveange fetu’utakí mo Nuku’alofá, ko ia ‘e lahiange leva e faingamālie ‘o e kainga ‘Euá ki he maketi ‘i Tongatapú, ko e tō folofola huufi ia ‘e he Tama Tu’í, Tupou VI ‘a e Mā’imoa Faka’ali’ali Ngoue, Toutai mo e Ngaahi Koloa, Hilifaki Kalauni 2015 ‘a e Vahefonua ‘Euá ‘i he Mala’e Niu’eiki,  ‘i he ‘aho Tokonaki, 15 ‘Aokosi 2015.

Nuku'alofa, 20 'Aokosi 2015. 'Oku paaki atu heni 'a e tatau 'o e tohi 'a e 'Eiki Minisitā Malōlō mo e Fakafofonga Fale Alea Malōlō Vava'u 14 Lisiate 'Aloveita 'Akolo ki he 'Eiki Palēmia fekau'aki mo e mo e ngaahi 'uhinga ke ta'ofi ai 'a e Sipoti Pasifiki 2019 ke 'oua fakahoko mai ki Tonga ni. Ko e tohi ko'eni na'e tufaki fakahangatonu 'e Lisiate 'Akolo ki he Palēmia 'i ha'ana fakataha 'i he 'aho 4 'Aokosi 2015.

Nuku'alofa, 20 'Aokosi 2015.

‘Etita,

Kuou ma’u ‘a e fakamatala mo e ngaahi fakamo’oni ki he feinga ‘a e Minisitā Ki he Ngaahi Ngāue Lalahi ‘Etuate Lavulavu ke totongi pa’anga (bribe) ‘a Dr. Viliami Uasike Latu mo ‘Aisea Silivenusi kana holomui mei hono faka’ilo ia ‘i he’enau hopo fekau’aki mo e Fili Fale Alea ‘o e ta’u 2014.