Hoko 'a Jacinda Ardern Taki Fa'ahi Labour ko e Palemia fo'ou 'o Nu'usila Featured
Jacinda Ardern koe Palemia fo'ou 'o Nu'usila
20 'Okatopa, 2017. Kuo hoko 'a Jacinda Ardern Taki Fa'ahi Labour koe Palemia fo'ou 'o Nu'usila.
Ko e hili 'eni 'a e lau uike a e alelea 'a e Fa'ahi New Zealand First pea mo e taki 'o e ongo fa'ahi faka-politikale lalahi taha 'a Nu'usila 'a e National 'oku taki ai 'a e Palemia Malolo Bill English pea mo e fa'ahi Labour 'oku taki ai 'a Jacinda Ardern.
Na'e ma'u foki 'e he National 'a e sea 'e 56 kae 46 'a e Labour 'i he fili 'a Nu'usila 'i he mahina kuo 'osi.
Na'e tu'u fakataha leva 'a e fa'ahi Labour mo e Green 'a ia na'a nau ma'u 'a e sea 'e 8 'o nau 'aluhake ai 'o ma'u 'a e sea 'e 54.
Na'e mahino koe tafa'aki pe 'e nga'uni kiai 'a e fa'ahi New Zealand First 'a ia na'a nau ma'u 'a e sea 'e 9 'oku taki ai 'a e tangata Maori ko 'eni ko Winston Peters koia 'e Pule'anga.
Kaikehe na'e fili eva 'a Winston Peters ke tu'u fakataha mo e fa'ahi Labour 'o iku ai ke hoko 'a Jacinda Ardern 'a ia koe Fakafofonga 'o Mout Albert 'i 'Aokalani koe Palemia fo'ou 'o Nu'usila.
2 comments
-
'Eku manumanumelie'ia he fuofua interview oe Palemia foou o NZ ae kalasi kehe ae masila a e talifehui mo nofo pe he poini. Kau manatu kiheetau Tangataeiki Palemia e aafe pe ia ke lau'i ha taha oka fakaekeeke i Tonga ni. Ka alu ki he UN e taukapoi a West Papua. Ka hau ki NZ e laui e kau Nopele moe Royal Family. Tau fakaamu ke omai ehe Eiki ha Palemia foou maa Tonga i Novema.
-
'Eku manumanumelie'ia he fuofua interview oe Palemia foou o NZ ae kalasi kehe ae masila a e talifehui mo nofo pe he poini. Kau manatu kiheetau Tangataeiki Palemia e aafe pe ia ke lau'i ha taha oka fakaekeeke i Tonga ni. Ka alu ki he UN e taukapoi a West Papua. Ka hau ki NZ e laui e kau Nopele moe Royal Family. Tau fakaamu ke omai ehe Eiki ha Palemia foou maa Tonga i Novema.