Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Fakahā 'e he Palēmia 'oku ‘i ai e “Siana Tāmate” ‘oku haea mai ‘e he kau pisinisi Siaina Featured

Minisitā Polisi Mateni Tapueluelu, Palēmia 'Akilisi Pohiva mo e Komisiona Polisi Steven Caldwell lolotonga 'a e  fakataha moe kainga Siaina Minisitā Polisi Mateni Tapueluelu, Palēmia 'Akilisi Pohiva mo e Komisiona Polisi Steven Caldwell lolotonga 'a e fakataha moe kainga Siaina

13 'Epeleli, 2017. Kuo fakahā ‘ e he Palēmia ‘i hano faka’eke’eke ia ‘e he ongoongo ‘a e Kaniva ‘oku ‘i ai ‘a e Siana Tāmate (Hitman) ‘oku haea mai ‘e he kau pisinisi Siaina ke fakahoko e ngaahi ngāue fakamamahi ki honau ngaahi fili Siaina pe ‘i Tonga ni.

Na’e fakahoko foki ‘a e fakataha ‘a e ‘Amipasitoa Siaina mo e kainga Siana ‘i Tonga ni, Minisitā Polisi Mateni Tapueluelu mo e Palēmia ‘Akilisi Pohiva ‘i he faka’osinga ‘o Ma’asi fekau’aki mo e malu ‘a e kau pisnisi mo e kainga Siaina ‘i Tonga ni.

‘I he fakamatala ‘a e Palemia ki he ongoongo ‘a e Kaniva na’a ne pehe na’e ngalo kene ‘ohake ‘a e kaveinga ni ‘i he fakataha ka na’e toki fakahoko ange pe ‘e hono foha ‘i he fono ‘a ia koe Minisitā Polisi Mateni Tapueluelu ‘a e me’a ni ‘i he tuku ‘a e fakataha.

‘Oku fakalilifu kapau koe mo’oni ‘eni pea ‘oku tau sio pe foki ‘i he ngaahi faiva hono haea ‘o ha Siana Tāmate (Hitman) ka ko’eni kapau koe mo’oni ‘a e Palēmia mo e Minisitā Polisi kuo a’u mai ki Tonga ni pea ‘oku totonu ke tokanga lahi ‘a e ma’u mafai he 'oku mahu'inga 'a e malu 'a e fonua pea 'oku fakalilifu.

‘Oku ‘ikai foki ke fakapapau’i mei he Potungāue Polisi ‘a e me’a ni ka ‘oku na’e fakaha pe foki ‘e he Tokoni Komisiona Polisi Pelenatita Vaisuai neongo koe pesesti pe ‘e 3 ‘o e ngaahi hia ‘oku fakahoko 'i Tonga ni 'oku fakahoko ki he kainga ni ka koe ngaahi hia ‘oku mafatukituki mo lalahi.

‘Oku ‘ikai foki koha toki ‘ohake eni ‘e he Palēmia ‘a e kaveinga fekau’aki mo e Siana Tāmate (Hitman) he na’a ne ‘ohake foki ‘eni ‘i he Fale Alea lolotnga 'a e feme'a'aki ‘i he’ene kei Fakafofonga ‘i he ta’u 2013 ‘oku ‘i ai ‘a Siana Tāmate ‘i Tofoa.

 

7 comments

  • fakaninimo
    fakaninimo Tuesday, 18 April 2017 11:35 Comment Link

    'E siafefine pea manatu'i mo Mele Maakitala ('Amanaki - Lelei'anga 'o Sisu) 'oku kau moia he kau fale'i na'a ngalo hhh

    Report
  • fieilo
    fieilo Tuesday, 18 April 2017 11:14 Comment Link

    Mu'aki kumi mu'a ke ma'u e tama na'ane fa'u e fake letter kimu'a he VONC 'e ngali ma'u vave PM & Minisita Polisi. Kae tuku hono decoy e tokanga ke pehe 'oku 'iai e siana hit-man moe fakaloi. He temou usuusu noa'ia he fo'i uiui tevolo ko 'ena 'o a'u kihe 'osi homou teemi ka 'oku 'ikai ha taha pehe ia.

    Report
  • Nepote T
    Nepote T Saturday, 15 April 2017 11:07 Comment Link

    Ku hangakehe a Mateni ia pea siosionoa mo e Komisiona ia, ke vakaii e Palemia na oku laukonga ia mei ha pepa hala hhhhh

    Report
  • siaafafine
    siaafafine Friday, 14 April 2017 22:14 Comment Link

    Ko e tu'unga ma'olunga ia kuo tau a'u ki ai koe fale'i 'o e Palemia ko 'ene fanau pe mo hono foha 'i he fono pea mo Piveni Piukala mo 'Anisi.

    Report
  • Ofa Sau
    Ofa Sau Friday, 14 April 2017 10:56 Comment Link

    'Oku 'iai foki e taimi lahi koe 'ikai ha me'a kete lea'aki pea ne afe ki he ngaahi kaveinga fakakauleka 'oku 'iku ki he fakaoli 'aki 'e he tokolahi. Ko e taimi eni e kau fale'i kenau tokanga'i si'i vaivai...

    Report
  • Loisi Langi
    Loisi Langi Thursday, 13 April 2017 15:51 Comment Link

    Koia ikai toe kehekehe PM mo e Palofita Siasi e kau Tala Hangatonu mhk. Ko e taha ia ena ngaahi visione moena ngaahi Paloo vhk.

    Report
  • Mosese
    Mosese Thursday, 13 April 2017 12:29 Comment Link

    Nae tala ihe taukuoosi oku iai e kau ninija i Tonga ni pea koe falamatala nane fai kihe media nz. Koeni ku toe tala pe i nz oku iai e siana tamate. Na ku fuu lahi hoo siofaiva eiki Palemia.

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top