Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Kole ‘e he Pule’anga Dr. ‘Aisake Eke ke tokoni hono teuteu patiseti 2017/18 Featured

Minisitā Pa’anga malōlō Dr. 'Aisake Valu Eke Minisitā Pa’anga malōlō Dr. 'Aisake Valu Eke

13 Ma’asi, 2017. Kuo mahino mai 'e kole ‘e he Pule’anga ‘o fakafou ‘i he Minisitā Pa’anga fo’ou Tevita Lavemaau ‘a e Minisitā Pa’anga malōlō Dr. ‘Aisake Eke kene tokoni ki hono teuteu ‘o e patiseti ‘a e fonua ki he 2017/18.

Na’e fakamahino foki ‘a e kole ‘eni ‘e he ongoongo ‘a e Letiō Tonga ‘i he ‘aho ni pea fakamahino foki ‘oku haea ‘a Dr. Eke  ko e fale’i makehe (special consultant) ki he fatongia ni.

Na'e toe me'a pe foki 'a e Minisitā Pa’anga fo'ou ia Tevita Lavemaau 'i he konifelenisi 'a e Palēmia mo e kau faiongoongo 'i he uike kuo'osi 'oku ne fiema'u 'a e Minisitā Pa’anga malōlō  keme fai 'a e ngāue faka konisaluteni mei tu'a taua'atāina.

‘Oku mahino pe foki ko Dr. Eke na’a ne ‘i he fatongia pea ‘oku lahi ange ‘ene ‘ilo ki he tu’unga ‘oku ‘i ai ‘a e teuteu ki he patiseti 2017/18 ‘a e fonua mo 'ene tu'u lolotonga ki he kaha'u.

Ko e mahina ko Sune he ta’u kotoa ‘oku fakahoko ai ‘a e feme’a’aki ‘a e Fale Alea fekau’aki mo e patiseti ‘a e fonua pea ‘oku fiema’u foki ke maau ‘a e patiseti kimu’a pea toki fakahū ki he Fale Alea.

‘Oku te’eki foki ke mahino pe kuo tali ‘e Dr. Eke ‘a e fakaafe ko’eni pea ‘oku mahino pe foki ‘e ‘ikai faingofua ha faitu’utu’uni ki heni ‘a Dr. Eke he ko e toki lava ‘eni ‘a e uike ‘e 1 mei hono fakamalōlō’i ia ‘e he Palēmia mei he Kapineti mo e lakanga Minisitā Pa’anga.

9 comments

  • Lupetuulelei
    Lupetuulelei Thursday, 16 March 2017 08:06 Comment Link

    'Eiki kataki tokoni mai ha founga vave ke fakafoki atu 'a Tonga kiate Koe fakamolemole! ameen
    Koe ki'i tafa'aki pe 'oku ou tokanga atu au kiai, 'ae toe pa'anga makehe ke toe totongi mai 'aki 'a Dr Eke kae 'ikai ke tuku pe aa 'i loto 'oku ne 'ilo'i mo maheni taukei 'ihe ngaue, hange eni ia 'e tangutu pe 'ae minisita fo'ou ia 'i loto 'o fai mai mei ai e pu'i 'ae minisita malolo, he 'oku mahino eni ia 'e tuku atu foki 'e he dr ia 'ene mahu'inga 'a'ana 'okapau te ne tali 'ae ngaue, pea oku pau he'ikai ma'ama'a ia pea 'oku mo'oni pe ia, he koe lolotnga pe si 'ene fakahoko fatongia kuo tuku ia kitu'a. Kaikehe, koe paanga ke vahe 'ae minisita fo'ou , pea moe pa'anga ke vahe 'ae dr 'o kapau te ne tali 'ae ngaue, koe pa'anga fua ia mei fe'ia palemia? manieeeee....Ko Sihova ke fakamu'omu'a kae tonu 'a e tataki 'oe Pule'anga...Psalm 118:25 (CJB) Please, ADONAI! Save us! Please, ADONAI! Rescue us!

    Report
  • Moneata
    Moneata Tuesday, 14 March 2017 23:13 Comment Link

    Fielau pe Aisake he oku ke apasia Otua. Nae sii tuli koe pea falagalivalei koe o tuu ia he hisitolia a Tonga ni, tolo makai koe pea hoka taoa. Ikai ke mamao mei ai kuo fokotuu koe ehe Eiki koe foi fetuu ngingila, kae ongoongoa atu leva i mamani fulipe ae founga taki moe founga pule a Akilisi Pohiva. Oku ou kole atu ke oua naa ke tali, nae tuli koe koe ikai ke toe fiemau koe, fakama'u ia ki ho loto.

    Report
  • Uoua Finau
    Uoua Finau Tuesday, 14 March 2017 17:14 Comment Link

    Ko e taimi 'eni Dr 'Aisake Eke 'a ho'o fakamo'oni ta'etoeveiveiua 'oku mo'ui 'a Sisu 'I ho loto. 'Oku fai hono lotu hufekina'i koe, pea ko ho'o mo'ui 'oku fai aka ia 'ia Sisu. 'Ofa pea ke 'ofa ke a'u ki ha taha pe 'oku ne fehi'a kia koe. Hange pe ko ho tali "Malo 'a e ma'u koloa" Fakaloto lahi ia kia au moe feinga ke molomolo mu'iva'e 'I he folofola 'a Sisu... Ke fai tapuekina koe 'e Sisu pea mo e loto pehe.....

    Report
  • siaafafine
    siaafafine Tuesday, 14 March 2017 15:41 Comment Link

    Kuo 'osi toutou lea'aki 'e he PM foki 'oku 'ikai te ne fie ma'u 'e ia 'a e taukei mo e ma'u mata'i tohi. 'Oku ne fiema'u 'e ia 'a e kakai 'oku nau tui tatau, loto kalusefai, loto lahi ke fai e liliu mo e ngaue kotoa 'oku loto ki ai, tatau ai pe pe 'oku fakalao pe 'ikai. Ko e me'a ia na'a ne talaai 'oku ne salute ki he hia ko ena ko Lavu. Ko eme'a ia 'oku ne fa'a fo'i ai he hopo. Ko e fakatata totonu 'a e me'a kuo ne fai kia 'Aisake 'a e liliu kuo ne fai ki he founga fakamaaka 'o e ngaahi sivi. 'Ikai fie fanongo ia ki he kau taukei mo e kau mata'itohi ka e fanongo ia ki he ongo mataotao pelesitiki ko Piveni mo Siaosi. Ka 'e fefe haha'u 'o e fonua. 'Io kuo puli 'a Piveni ia mo 'ene silini pea hola e motu'a failautohi a ki he Potungaue kehe ka e li'aki e ako ia ki he motua tiuta lahi 'a 'Atele, mahalo 'oku fai ha haka manioke pe 'aho nbgaue ki 'uta. Khe pe ke ke tui ki he raw maaka kau ave ko e ke ke minisita ako. Ko e kehe pe ke ma'u e uakilu ia ka nau kona Sapate kinautolu mo vahe. 'Oku pehe pe 'a e fo'i faka'alinga lelei ko eni. Tuli 'a 'Aisake 'oku ne lava 'a e me'a ka e ha'u 'a T. Laveta'emaau. Ka ko e ha 'oku 'ikai kole ai ki he CEO he 'oku ne 'ilo ange 'e ia 'a e fa'u patiseti. Ka 'ikai fakahu hake 'a Veivosa Taka mo 'Akosita he 'oku na poto lelei he takatakai fakate'ete'e puaka 'a e lou'akau. Pea ka toki 'ikai ke na lava pea 'omai e fo'i fifisi ko ena ko 'Anisi Bloomfield he ko e mataotao mo ia 'e taha 'a e paati he fa'u patiseti toho kaulei. Ka e fefe ko a 'a Hon Sione Vuna Fa'otusia. 'Oua ke me'a mai, tau fiu he tufi e LELEI.

    Report
  • Sione F
    Sione F Tuesday, 14 March 2017 13:13 Comment Link

    Ta ko ena oku ikai ha hele ae PM moe paati temo ke nau fkhee teepupulu'aki (teuteu aki e budget) ka nau tuli fkngalivalei pehei sii Aisake Eke (taha faitotonu, pea mo ofa Otua), ihe ene abstain tauatina pe ana fktatau kihe loto hono vahenga. Hono ikai vave sauni ae Otua. Ka ikai a Eke koe mate hiki vae ia ae kii puleanga temo taemahino ko eni. Kuo hola e elelo o toi hili ene fire fkmafutofuta a Aisake, pea toki foki mai e atamai lelei o ilo ta oku nau hala moe valaloto. Ngali vale atu.

    Report
  • John Vakauta
    John Vakauta Tuesday, 14 March 2017 11:19 Comment Link

    Ka hoko 'o tali pe 'ikai tali 'e 'Aisake 'a e kole mei he Pule'anga pea koe me'a 'eni 'e hoko:-
    1. Consultant Fee ke totongi
    2. Ko e fakamole ki he ngaue 'oku I loto pe 'I he vahenga 'a e minister pa'anga 'e toe liunga ua ia.
    3. Ka 'ikai tali 'e 'Aisake te nau hire mai ha taha mei tu'a ke fai ngaue pea kei liunga ua pe fakamole.

    Report
  • Haniteli
    Haniteli Tuesday, 14 March 2017 02:40 Comment Link

    Malie Lahi e Pule'anga ni, TULI PEA TOE KOLE MAI.

    NA'E TONU KE 'ULUAKI 'EKE 'EHE PALEMIA KI HE'ENE KAU TAMA PE TENAU LAVA TEUTEU E PATISETI...HOOIIIIIII

    Report
  • Lofanga
    Lofanga Tuesday, 14 March 2017 00:15 Comment Link

    Oua teke teitei tali e koe Aisake nae sii tuli koe pea luma ai ho famili, tuku atu kenau ai he koe kau poto. Talu e fie Minisita Paanga a Ti Lavemaau mei anefe koena toe ui tokoni, fekau a Akilisi ke hau o ai e Patiseti hhhahahahha

    Report
  • Bernie
    Bernie Monday, 13 March 2017 21:56 Comment Link

    What a laugh, sacked and then hired! Only in Tonga

    Report

Leave a comment

Make sure you enter all the required information, indicated by an asterisk (*). HTML code is not allowed.

back to top