Toe tokolahi ange fanauako kole hū ki he USP Featured
16 Sanuali, 2017. ‘Oku ‘alu pe a e taimi mo e toe tokolahi ange ‘a e fanauako kuo nau tohi kole ke hū ki he ‘Univēsiti ‘a e Pasifiki Tonga (USP).
Fakatatau ki he fakamatala kuo ma’u mei he USP kuo hiki ‘aki ‘eni ‘a e peseti ‘e 17 ‘a e tokolahi ‘o e fanauako kuo nau kole hū ki he ‘apiako ‘i hono fakahoa ki he ta’u 2017.
Ko e ta’u 2017 na’e ‘i lalo hifo pe ‘i he toko 6500 ka koe a’u mai ki he ‘aho ni kuo laka hake he toko 7500 kuo nau tohi kole hū ki he ‘Univēsiti.
‘I he fakamatala mei he USP ‘oku makatu’unga ‘eni mei he toe lahi ange ‘enau ngaahi polokalama ako ‘o tatau pe ‘i he ‘Univēsiti ‘i Fisi pehe ki hono ngaahi kemipasi ‘i he ngaahi fonua kehe ‘i he Pasifiki.
‘Oku laungeau 'a e fanauako ‘oku nau ako ‘i he ngaahi polokalama ako kehekehe 'i he va’a ‘o e ‘Univēsiti ‘o e Pasifiki Tonga ‘i Tonga ni.
