Menu
cache/resized/7a303faa48902efd848c7494b9385c2b.jpg

RED

Rapid Engineering Diagnostic

Specialize in:

...
Latest News

Faufaua hono ma’u e maliuana ‘i ‘Eua: Toe ma’u tenga’i maliuana ‘e 15000 Featured

Tenga'i maliuana Tenga'i maliuana

26 ‘Epeleli, 2017. ‘Oku ‘ikai maholoholo hono ma’u ‘o e faito'o konatapu ko e maliuana ‘i he Vahefonua ‘Eua pea ‘oku ‘i ai he hoha’a lahi kiai ‘a e kau ma’u mafai.


‘Oku hokohoko mai foki hono ma’u ‘o e faito’o konatapu ni ‘i ‘Eua pea kuo tokolahi ‘a kinautolu ‘oku fekau’aki mo e ngāue pango ko ‘eni kuo ‘osi ‘ave ki he Fakamaau’anga pea fakamaau’i ‘o iku ‘a e ni’ihi ‘o ngāue popula.

‘Oku mahino foki fakatatau ki he fakamatala mei he Potungāue Polisi ‘a e faingata’a ke hua ‘a e vaotā ‘o ‘Eua ke fakangata ‘eni pea ‘oku ‘alu fakataha mo e mo’ui ‘a e ‘akau ni ‘i he kelekele ‘o ‘Eua pea toe faingata’a koe mo’unga’ia ‘a e Fungafonua.

Na’e tuku mai foki he ongoongo ‘a e Televīsone Tonga he efiafi ni ‘a hono ma’u ‘o e milemila ‘oku ‘i ai e tenga’i maliuana ‘e 15000 tupu pea koe ma’u pe ‘eni he afenga ki he ‘api ‘uta ‘o e matāpule ‘Eua pe ka na’e ‘ikai fakaha hono hingoa.

'Oku lolotonga fakahoko kiai 'a e ngaue 'a e Potungāue Polisi ka 'oku mahino foki ko hono fakaapa'anga 'o e faito'o ni 'oku lahi 'a e pa'anga 'oku ma'u mei ai pea 'oku toe fai mo e ngāue ke kumi hono halanga mo e founga hono fakamaketi'i.

Kuo tapou ai ‘a e kainga ke fakahoko ha kole ki he Kautau ‘Ene ‘Afio ke fakahoko hano hua fakalautelau ‘a ‘Eua ke faka’aauha ‘a e ‘akau faito’o konatapu ni.
‘Oku lolotnga tauhi foki ‘e he Potungaue Polisi ha tangata ‘Eua koe ma’u mo e faito’o konatapu maliuana he ngaahi uike si’i kuo maliu atu.

Leave a comment

Make sure you enter all the required information, indicated by an asterisk (*). HTML code is not allowed.

back to top