Fekumi kiate kinautolu na’a nau ‘ohofi e kau kau polisi ^Featured

Fakatatau ki he fakamatala ‘a e Pule Polisi 'Apitanga Polisi Nuku’alofa 'Inisipekita Pule Tevita Vailea na’e ta’ofi ‘e he kau ‘ofisa polisi ha me’alele ta’e laiseni fe’unga tonu mo Mailetaha pea tupu ai ‘a e ohofi ko’eni ‘e he kau pasese ‘o e me’alele ‘a e kau ‘ofisa polisi.

‘I he fakamatala ‘a 'Inisipekita Vailea koe toko 10 nai na’a nau fakahoko ‘a e ‘ohofi ko’eni pea na’a nau ngaue ‘aki ‘a e ngaahi me’a masila ‘o kau ai ‘a e helepelu.

Na’e tupu mei heni ke mavahe ‘a e kau ‘ofisa polisi telia ‘a e malu ‘enau mo’ui pea kamata ai pe 'a e ngaue ki hono kumi 'o e ni'ihi ko'eni. 'Oku te'eki foki ke mahino pe na'e mau kava malohi 'a e ni'ihi na'a nau fakahoko 'a e 'ohofi.

‘Oku ‘ilo pe foki ‘e he kau ‘ofisa polisi ‘a kinautolua na'a nau fakahoko ‘a e ngaue pango ni pea 'oku lolotonga fakahoko 'a e fekumi kiate kinautolu.